सुशासन कक्षाले गाउँमा परिवर्तन ल्यायो

रामेश्वर कार्की

धादिङ १५ माघ

पढ्नेउमेरमा विद्यालय जान नपाएपछि घरधन्दा र दाउराघाँसमा सिमित धादिङ कल्लेरी २ कल्लेरीटारका महिलाहरु हिजोआज दैनिक साँझको खाना खाएपछि किताबकापी च्यापेर गाउँको पाएक पर्ने स्थानमा भेला हुन्छन् । दिनभरिको थकान र विभिन्न तनावलाई एकातिर पन्छाएर केहि जान्ने उतसुकता बोकेका यि नव साक्षरहरु संधैभरि भेलाभएर कखरा मात्र सिक्दैनन् । सामुदायिक वनका उपभोक्ता तथा विभिन्न महिला समुहमा आवद्ध उनीहरु पारदर्शिता सुशासन अधिकार र बचत तथा व्यवसथापानका कुराहरु सिक्ने जान्ने र छलफल गर्ने गरिएको कक्षाकी सहभागी नारायणि तिम_िल्सनाले बताई्रन् ।समाजमा समुहमा परिवारमा तथा अन्य जनसरोकारका क्षेत्रमा पारदर्शिता भएको छकि छैन सबैको अधिकार स्थापित भयोकी भएन भन्ने सवालमा अनुभव बाँफाँड गर्ने र पिडितलाई सहयोग गर्ने जस्ता अत्यन्तै सामाजिक र व्यवहारिक ज्ञान सिक्ने गर्छन् । धादिङको कल्लेरी मात्र होईन बैरेनी गजुरी जिवनपुर जोगिमारा लगाएतका तेईस गाविसमा सत्ताईस वटा कक्षा यु एस ए आइ डीको सगुन कार्यक्रम अन्तर्गत रिम्स नेपालले साचालन गरेको रिम्सका कार्यकारी निर्देशक ऋषि बस्ताकोटीले जानकारी दिए । नवसाक्षर महिलाहरुलाई पढाउन कुनै बनिबनाउ पाठ्क्रम नभई वन समुह महिला समुहका सफलताका कथाहरु स्थनीय स्तरमै तयार गरिएको निर्देशक बस्ताकोटी बताउँछन् ॥ दिनभरि कामका बोझले थकित बनेका कल्लेरी स्थित बाराही वनका उपभोक्ता समेत रहेकी अस्मिता तिवारी जन्नै र बुझ्नै पर्नेकुराहरु सिकाइने हँदा जाँगर लाग्ने बताउँछिन् । समुहमा बसेर मासिक बचत ऋण परिचालन सामाजिक काममा सहभागि हुन प्रेरित गरेको अनुभव सुनाउँदै आफैमा कसरी पारदर्शि हुने भन्ने ज्ञान समेत जान्न पाएको सहभागिहरु बताउँछन् ।अधिकारका कुरा थाहानपाउँदा मेलापातमा हेपिएको सामाजिक काममा पछाडी परेको अनुभव सुनाउँदै रिम्स नेपालले साचालनमा सहयोग गरेको सुशासन सम्बन्धी कक्षाबाट आफ्नो जीवन परिवर्तन गर्न सिकेको तिवारीको भनाई छ । उनी थप्छिन् पहिले एउटै काममा जाँदा पुरुषलाई सय महिलालाई साठी रुपैयाँ दिने गरिएकोमा हामीले समानमामको समान ज्याला निर्धाणर गर्न पहल गरेका छौं । गाविसको बजेट बाँडफाँडमा हामीलाई सहभागि गराउँदैनथे त्यो पनि यस वर्षबाट लागु गरायौं िसंचाई सडक बनाउने काममा पनि सहभागी गराउन थालेका छन् पुरुषहरुले । सुशासनका कक्षाबाट जीवन व्यवहारमा धेरै परिवर्तन ल्याएको सहभागीको भनाई छ ।