सूचना केन्द्रको स्थापना

रामेश्वर कार्की

धादिङ २४ माघ

सूचना आदान प्रदानमा प्रभावकारीता ल्याउन नेपाल पत्रकार महासंघ धादिङले एक सूचना केन्द्रको स्थापना गरेको छ ।जिल्ला विकास समिति धादिङ र प्रेस काउ_िन्सल नेपालको सहयोगमा स्थापित सो सूचना केन्द्रको शुक्रवार काउ_िन्सलका अध्यक्ष नारायण शर्माले उद्घाटन गरे । जिविसले भौतिक पुर्वाधारका लागि एक लाख र प्रेस काउ_िन्सलले सूचना केन्द स्थापना गर्न एक लाख पचास हजार रुपैयाँ सहयोग गरेको महासंघका जिल्ला सभापति सीताराम प्रसाद बर्माले जानकारी दिए । पत्रकारहरुका लागि सूचना केन्द्रको स्थापना भएपछि सूचना आदान प्रदान गर्नमा सहयोग पुग्ने बताईएको छ । केन्द्रमा दुई वटा कम्प्युटर पि्रन्टर फ्याक्स लगायतका सूचना संप्रेशण गर्ने मासाग्री जडान गरिएको छ । सूचनालाई चाँडो पठाउन र व्यवस्थित गर्न छिट्टैनै ईन्टरनेटको समेत जडान गरिने अध्यक्ष बर्माले बताए .