पुस्तकालयमा पुस्तक अभाव

रामेश्वर कार्की

धादिङ १४ चैत

जिल्ला शिक्षा कार्यालयको सहयोगमा स्थापित धादिङको अति दुर्गम बस्ति लापा गाविसको वडा नम्बर एकमा लापा कुकु सामुदायिक अध्ययन केन्द्रमा पुस्तकको अभाव रहेको छ । यसै वर्ष स्थापना गरिएको सो अध्ययन केन्द्रमा परिचर र भवन व्यवस्थापनका निमित्त शिक्षा कार्यालयले पचास हजार रुपियाँ सहयोग गरेपनि पुस्तक भने छैन । अध्ययन केन्द्रका पुस्तक नभएपछि सोहिक स्थानमा कि्रयाशिल नमस्ते युवा क्लव र युएमएनको सहयोगमा दुई सय पचहत्तरवटा विभिन्न पुस्तक किनिएको पुस्तकालय व्यवस्थापन समितिका दिनेश तामाङले बताए । जिल्ला सदरमुकाम धादिङबेसीबाट तीन दिनको पैदल दुरीमा रहेको सो अध्ययन केन्द्र लापा गाविसको वडा नम्बर १३६र ७ को बीचमा पर्छ । शिक्षा कार्यालयले परिचर तथा भवन व्यवस्थापनको लागि भनेर पचास हजार रुपियाँ नगद सहयोग गरेपनि पुस्तक उपलब्ध नगराएको पुस्तकालय व्यवस्थापन समितिले जानकारी दियो । नजिकै पुस्तकालय तथा पत्र पत्रिका पसल नभएकाले गाउँका युवाहरुले पुस्तक पढ्ने रहर गर्दा पनि पुस्तक नभएपछि समस्या भएको अध्ययन केन्द्रका संस्थापक अध्यक्ष रामबहादुर तामाङले बताए ।